Сусамов таан се прелева преку парче таан алва

За Супер Груп

Од 1996 — природно, традиционално, здраво и вкусно

Следејќи го растот на технологијата и економијата, Супер Груп Ви ги нуди квалитетните и вкусни производи од својата програма — Супер Алва, Супер Вита и Супер Маја — со кои стана препознатлив бренд на домашниот пазар.

Со Супер Алвата — бела со ванила, со какао и други видови — Ви нудиме препознатлив вкус на квалитет. Совршена е како дел од доручекот, ручекот или вечерата, а одлична и како закуска кога ви треба повеќе енергија.

Кон продавницата Каталог

Кои сме

1996

Супер Груп е формирана како мешовита компанија со странски капитал. Почнавме со мало производство и трговија со прехранбени производи, главно од Турција — од таму ги донесовме технологијата, машините и рецептот. Истата година почна и производството на Супер Маја, сириште за млечната индустрија и за индивидуални производители на сирење.

2000

Ги откупивме акциите на странските вложувачи — претпријатието е со домашен капитал. Инвестиравме во машини и го започнавме производството на таан, основна суровина за таан алвата. Почнавме извоз во Косово, Албанија, Србија и Хрватска, и соработка со компанијата „Виталија“ за ребрендирани производи што се извезуваат во повеќе од 20 држави.

2003–2005

Со сопствен капитал изградивме нова фабрика во индустриската зона Пинтија, со површина од 2.000 м², за целосно производство по светски стандарди.

Денес

Нашите производи се продаваат во повеќе од 450 маркети. Повеќе од половината од нашите 80 вида производи се преработки од сусамово семе.

Нашата визија

Добар производ во секој дом

Наша замисла е да создадеме производи со препознатлив вкус и бренд. Добриот и квалитетен производ да се проба во секој дом, да се произведува со врвна технологија, а продажбата и дистрибуцијата навреме да стигнат до сите продажни центри во земјава и надвор од неа.

Со постојано работење, иновации и проширување на програмата сакаме да постигнеме врвен квалитет со достапни цени, одличен вкус и доверба кај купувачите. Нашето мото: Супер Алва — природно, традиционално, здраво и вкусно!